ابڙو اڪيڊمي Abro Academy
2020-07-22
داخلا نمبر 646
عنوان چاهُو، ڪچو اسناف، چٽڪمرو اسناف
شاخ پکي
پڙهيو ويو 343
داخلا جو حوالو:
چاهُو، ڪچو اسناف، چٽڪمرو اسناف
25 سينٽي ميٽي جسامت وارو هي پکي جيتوڻيڪ کنڀن جي روپ ۾ ’اصل اسناف‘ پکيءَ جهڙو آهي پر هي حقيقت ۾ rail ڪٽنب جو آبي پکي آهي. انهن ئي وانگر گول پَرن تي هوريان اڏامندو آھي. اڪثر اڪيلو يا ننڍڙن ولرن ۾ ڏسبو آهي. صبح سوير يا سج لٿي مهل وڌيڪ سرگرم ڏسبو آهي. چاهوءَ جي مادي رنگ روپ ۾ وڌيڪ چمڪدار هوندي آهي، ان ريت نر ۽ ماديءَ جي رنگ ۾ ڪو خاص فرق نه آهي.
چاهوءَ جي ڊگهي سڌي چهنب آخر ۾ ٿورو وڪڙ کائي ٿي. نَر جي ڳچيءَ ۽ ڇاتيءَ تي اکروٽي ۽ ڪارو رنگ ڪونه ٿيندو آهي. مادي نَر کان ڪجهه وڏي ٿئي ٿي ۽ چهنب به وڌيڪ وڏي ٿئيس ٿي. ڌاتوئي زيتوني پٺيءَ تي ڪارا ۽ ھلڪا ھيڊا لينگها لينگها ٿين ٿا. سِسي منڍي ۽ ڳچيءَ سميت اکروٽي اٿس، اکين کي اڇو حلقو ۽ ڀِرونءَ نما اڇي ليڪ هوندي اٿس. پيٽ اڇو، ٽنگون ۽ پيرن جون آڱريون وڏيون ٿينس ٿيون. ماديءَ جو ڪم فقط نسل وڌائڻ لاءِ آنا ڏيڻ آهي، ٻچا ڪونه سنڀالي. هي پکي ڌٻڻين، گپراٺن علائقن ۽ ڍنڍن ۾ ملي ٿو.